Текст
2025 жылдың 12 мамырында Щучинск қаласының, Жоғары техникалық колледжінде «Жаман әдет жастарға жат» тақырыбында кураторлық сағат өтті. Іс-шара жастарды зиянды әдеттерден сақтандыруға және салауатты өмір салтын ұстануға бағытталды.
Кураторлық сағаттың мақсаты – студенттерге денсаулықтың маңыздылығын ұғындыру, зиянды әдеттердің алдын алу және салауатты өмір салтын насихаттау болды. Кураторлық сағат барысында темекі шегу, ішімдікке салыну және басқа да психобелсенді заттарды қолдану сияқты зиянды әрекеттердің себептері, салдары және олардан сақтану жолдары талқыланды.