Щучинск қаласының Жоғары техникалық колледжінің жатақханасында күн сайын Наурыз мерекесіне арналған түрлі мәдени іс-шаралар өтуде. Студенттер ұлттық спорт түрлерінен сайыстарға қатысып, өз шеберліктерін шыңдап, бірлік пен достықты нығайтуға мүмкіндік алуда. «Тоғызқұмалақ», «Асық ату» сияқты дәстүрлі ойындар жастардың ұлттық мәдениет пен тарихи мұраға деген қызығушылығын арттыра түседі.
Студенттердің ерекше қызығушылығын оятқан іс-шаралардың бірі – «BAURSAK PARTY» этно-кеші. Қатысушылар бауырсақтан дәм татып қана қоймай, Наурыздың салт-дәстүріне арналған сайыстар мен зияткерлік ойындарға қатысып, мерекенің мәнін тереңірек сезінді. Осындай іс-шаралар әртүрлі мамандық пен ұлт өкілдері арасындағы достық байланыстарды нығайтып, жылы әрі бауырмал орта қалыптастыруға ықпал етеді.