Щучинск қаласының Жоғары техникалық колледжінде «Қайырымдылық – қадірлі іс» акциясы.

Наурыз мерекесі қарсаңында Щучинск қаласының Жоғары техникалық колледжінде Студенттік өзін-өзі басқару ұйымының бастамасымен колледж зейнеткерлері мен педагогикалық еңбек ардагерлеріне арналған «Қайырымдылық – қадірлі іс» акциясы ұйымдастырылды.

Іс- шараның негізгі мақсаты – бүкіл саналы ғұмырын білім беру мен тәрбие ісіне арнаған ардагер ұстаздарға құрмет көрсетіп, алғыс білдіру. Акция аясында студенттер үлкендерге жылы лебіздерін арнап, құрметтері мен қамқорлықтарын білдірді. Ардагерлермен болған әсерлі жүздесу жастарға өнегелі өмір жолынан сыр шертіп, тағылымды әңгімелері арқылы оларға рухани азық сыйлады. Ақыл мен парасатқа толы бұл кездесу студенттерге адамгершілік құндылықтарды дәріптеудің маңыздылығын ұғындырып, оларды ізгілікке, құрмет пен жауапкершілікке баулуға септігін тигізді.