2025 жылғы 4 наурыз күні Щучинск қаласының Жоғары техникалық колледжінің «Интерьер дизайны» мамандығының студенттері «Арт-Бурабай» шығармашылық бірлестігі ұйымдастырған бейнелеу және қолданбалы өнерге арналған шеберлік сабақтарына қатысты. Қала мен ауданның танымал суретшілері студенттермен өз тәжірибелерін бөлісіп, «натюрморт» жанрында көзбен көріп бейнелеудің авторлық әдіс-тәсілдерін таныстырды.
Осы шеберлік сабағына жақында ғана колледжді аяқтаған түлектер Демина Вероника мен Миронова Ирина да өз жұмыстарын ұсынып, тәжірибелі шеберлермен қатар өнер көрсетті. Іс-шара студенттерге білім мен дағдылардың шын мәнінде қалай жетілетінін байқатып, оларды бірегей авторлық жобаларға айналдырудың мүмкіндіктерін сезінуге керемет мүмкіндік болды.
Шығармашылық шабыт сыйлаған ұйымдастырушылар мен барлық қатысушыларға алғысымызды білдіреміз!