2025 жылдың 11 ақпанында Щучинск қаласының Жоғары техникалық колледжінде оқытушылар құрамының қатысуымен құқықтық мәдениет пен сауаттылықты арттыру мәселелеріне арналған жұмыс кеңесі өтті.

2025 жылдың 11 ақпанында Щучинск қаласының Жоғары техникалық колледжінде оқытушылар құрамының қатысуымен құқықтық мәдениет пен сауаттылықты арттыру мәселелеріне арналған жұмыс кеңесі өтті. Кеңестің басты мақсаты – Ақмола облысы колледждеріндегі құқықбұзушылық деңгейінің арту себептерін жан-жақты талқылап, оның алдын алу жолдарын айқындау болды.

Кеңес барысында келесі өзекті мәселелер қозғалды:

1. Тәрбие жұмысының тиімділігін арттыру – студенттердің жауапкершілігін нығайту, олардың моральдық-адамгершілік ұстанымдарын қалыптастыру және педагогтардың бақылауын күшейту;

2. Жастардың құқықтық санасын қалыптастырудағы ата-ананың рөлі және құқықтық тәрбиенің маңызы.

3. Колледж студенттері мен олардың ата-аналарына құқықтық тақырыпта ақпараттық сағат ұйымдастыру.

Кеңес нәтижесінде студенттер мен ата-аналардың құқықтық мәдениетін дамытуға бағытталған кешенді іс-шараларды жүзеге асыру жолдары белгіленді. Қатысушылардың ортақ пікірі – құқықтық сауаттылық пен азаматтық жауапкершілік деңгейін көтеру білім беру ортасының қауіпсіздігі мен үйлесімділігін қамтамасыз етудің басты кепілі. Сонымен қатар, әрбір азамат өз құқығы мен мүддесін қорғап қана қоймай, ата-аналық және азаматтық міндеттерін де есте сақтауы қажет екені атап өтілді.