Щучинск қаласы Жоғары техникалық колледжінің У-11 тобының студенттері, топ кураторы Б.О. Бекбулатованың және У-12 тобының студенттері, топ кураторы Г.К. Даулетованың жетекшілігімен, «Қарлы десант» қайырымдылық акциясына қатысып, педагогикалық қызмет ардагерлеріне көмек көрсетті.
Бұл игі бастама – жастарға білім беру тәрбиелеу жолында орасан зор еңбек сіңірген ұстаздарға құрмет көрсету, олардың еңбегін бағалау мақсатында ұйымдастырылды. Колледж студенттері әлеуметтік жобаларға белсене қатысып, тек өз салаларында кәсіби маман болумен шектелмей, сонымен бірге қоғамның жауапты мүшелері болуға да өз ықпалдарын тигізуде. Колледждің жас буын өкілдері тек кәсіби дағдыларын дамытып қана қоймай, әлеуметтік жауапкершілік пен азаматтық міндеттерін орындауға да дайын екендіктерін көрсетті.